Marín, 17 novembro 2025
A alcaldesa, María Ramallo, e a presidenta da AECC de Marín, Emilia Rey, asinaron o convenio que regula a subvención nominativa de 4.000 euros que se lles outorga como axuda municipal para sufragar custes propios da súa actividade.
Este apoio é “ o mínimo que podemos facer por unha entidade que é moito máis ca una asociación, senón tamén un espazo desde o que reivindicar, no que visibilizar, no que sentirse apoiados e que serve como refuxio para quen está pasando por esta enfermidade”, declarou a alcaldesa, María Ramallo.
Esta aportación anual súmase á colaboración económica que se achega a un dos eventos de maior recadación para a asociación, a andaina solidaria Montes e Praias, que se celebra no mes de marzo e que cada ano consolídase como unha cita solidaria ineludible.
